4 Ta tsʼakal li David xchiʼuk skotol li Israele batik ta Jerusalen, jaʼ xkaltik, ta Jebus+ ti jaʼ te nakalik li jebusetike.+ 5 Li jnaklejetik ta Jebuse xi la slabanik li Davide: «¡Mi jutebuk cha-och tal liʼe!».+ Pe li Davide och ta skʼob li jteklum Sion ti joyol ta muroe.+ Steklumal David sbi li avie.+ 6 Jaʼ yuʼun, xi laj yal li Davide: «Li buchʼu baʼyel chbat stsak ta kʼop li jebusetike jaʼ chkʼot ta bankilal soltaro».* Li Joab+ ti jaʼ yol Seruyae jaʼ baʼyel muy batel, jaʼ yuʼun jaʼ kʼot ta bankilal.