7 Vaʼun, li Jeosafate xi laj yale: «¿Mi muʼyuk junuk yaj-alkʼop Jeova liʼe? Xuʼ xkalbetik ti akʼo sjakʼ eke».+ 8 Li ajvalil ta Israele xi la stakʼbe li Jeosafate: «Oy to jun vinik ti xuʼ xkalbetik akʼo sjakʼbe li Jeovae;+ pe kontra tajek chkil,+ yuʼun kʼalal ta jakʼbe li kʼusi chkʼot ta jtojolale, muʼyuk onoʼox lek kʼusi chalbun, naka chopol kʼusi chal.+ Jaʼ li Mikaya xnichʼon Imlae». Pe xi takʼbat yuʼun li Jeosafate: «Mu stakʼ jech xal li ajvalile».