7 Jech oxal, li Akase la stak batel j-almantaletik ta stojolal li ajvalil Tiglat-Pileser+ ta Asiriae, xi laj yalbe batele: «Avajtunelun xchiʼuk akeremun. Jaʼ yuʼun, muyan tal, laʼ koltaun lokʼel ta skʼob li ajvalil ta Siria xchiʼuk li ajvalil ta Israele, yuʼun tstsakikun ta kʼop». 8 Li Akase la stsob li plata xchiʼuk li oro ti te oy ta sna Jeovae xchiʼuk li ta yavil kʼulejal ta sna* li ajvalile, jaʼ la stakbe batel ta smoton li ajvalil ta Asiriae.+

10 Xi to albat yuʼun Jeova li Akase: 11 «Kʼanbo junuk senyail li Jeova ti jaʼ Adiose;+ xuʼ van toj nat xyal kʼuchaʼal li Mukinale* o toj toyol xmuy kʼuchaʼal li vinajele». 12 Pe xi laj yal li Akase: «Muʼyuk ta jkʼan, muʼyuk chkakʼ ta preva li Jeovae».