12 Li ajvalil Joakin ta Judae bat yakʼ sba ta skʼob li ajvalil ta Babiloniae,+ te yikʼoj batel li smeʼe, li yajtuneltake, li bankilaletik ta spasob mantale* xchiʼuk li bankilal j-abteletik yuʼune;+ vaʼun chukatik batel yuʼun li ajvalil ta Babilonia kʼalal vaxakib xa ox jabil yochel ta ajvalil li Nabukodonosore.+

14 La xchuk batel skotol li buchʼutik te oy ta Jerusalene, la xchuk batel li bankilaletik ta pasob mantale,*+ li buchʼutik lek xuʼ yuʼunik paskʼope, li buchʼutik lek spas yuʼunik pʼijil abtelale xchiʼuk li buchʼutik chabtelanik takʼine*+ —lajunmil ta voʼ la xchuk batel—. Jaʼ xa noʼox te komik li buchʼutik toj abol sbaike.+

17 Jaʼ yuʼun, li Diose la stakbe batel ajvalil yuʼun jkaldeaetik+ sventa xbat tsakatikuk ta kʼop, vaʼun te ta chʼulna+ la smil ta espada+ li kerem viniketike; solel muʼyuk kʼuxubaj ta yoʼonton li kerem viniketike, li tojol tsebetike, li buchʼutik oy xa sjabilalike mi jaʼuk li buchʼutik kʼunike.+ Li Diose laj yakʼbe ta skʼob skotol.+

20 Li buchʼutik muʼyuk xlajik ta milel ta espadae+ la xchuk batel ta Babilonia, kʼotik ta yajtuneltak+ xchiʼuk ta yajtuneltak xnichʼnabtak, jaʼ to kolik kʼalal och ta pasmantal li ajvalil ta Persiae.+

9 Li Nebusaradan+ ti jaʼ bankilal yuʼun jchabivanejetike la xchuk batel ta Babilonia li yan buchʼutik te to komemik ta jteklume, li buchʼutik laj yakʼ sbaik ta skʼob li jkaldeaetike xchiʼuk skotol li buchʼutik te to oyike.

15 Li Nebusaradan ti jaʼ bankilal yuʼun jchabivanejetike la xchuk batel junantik li ta jteklum ti abol sbaike xchiʼuk li yan buchʼutik te to komemik ta jteklume. Jech xtok, laj yikʼ batel li buchʼutik laj yakʼ sbaik ta skʼob li ajvalil ta Babiloniae xchiʼuk li buchʼutik xtojobik lek spasel kʼusitike.+

28 Liʼe jaʼ li krixchanoetik ti la xchuk batel li Nabukodonosore:* li ta svukubal jabil yochel ta ajvalile laj yikʼ batel 3,023 judaetik.+