14 Kuxetuk noʼox avoʼonton kʼalal chapas li kʼine,+ kuxetuk yoʼonton li akereme, li atsebe, li amosoe, li akiarae, li jlevietike, li jyanlum ti te nakal ta ateklumale, li olol ti chamem stote xchiʼuk li ants ti chamem smalal ti te nakalik ta ateklumale. 15 Vukub kʼakʼal chapas kʼin+ ta stojolal Jeova Dios avuʼun ti bu stʼujoj li Jeovae, yuʼun chakʼbe bendision Jeova Dios avuʼun skotol li kʼusitik chlokʼ avuʼune xchiʼuk skotol li kʼusi chapase,+ muʼyuk kʼusi yan chanuptan, kʼajomal noʼox xkuxet avoʼonton.+