15 »Li ta vukvuk jabile jaʼ sjabilal avuʼunik li kolebale.+ 2 Xi yelan skʼan xapasike: skotol li buchʼu oy kʼusi yakʼojbe xchʼamun xchiʼile muʼyuk xa tskʼanbe sutel li kʼusi laj yakʼbe xchʼamune. Mu xuʼ skʼanbe sutel yil li yermanoe mi jaʼuk li xchiʼil ta krixchanoale, yuʼun chichʼ pasel jun kolebal sventa Jeova.+ 3 Xuʼ jaʼ persa xakʼanbe yil li jyanlumetike,+ pe mu xa xakʼanbe sutel avermano kʼusiuk noʼox ti laj avakʼbe xchʼamune.