11 Li Moisese xi laj yalbe li Jeovae: «¿Kʼu yuʼun ti chavakʼbun jvokol ti voʼon avajtunelune? ¿Kʼu yuʼun ti muʼyuk lek chavilune, ti voʼon chavakʼbun jventain sjunul li jteklum liʼe?+

15 Mi jech-o chapasbune, jaʼ lek milun xa ta ora avokoluk.+ Pe mi lek chavilune, mu xa xavakʼ xkil mas jvokol».

3 Xiʼ li Eliase, vaʼun jatav batel sventa mu xmilat.+ Te kʼot ta Beer-Seba+ ta yosilal Juda+ xchiʼuk jaʼ te laj yikta komel li yajtunele. 4 Och batel ta takixokol balumil, jun kʼakʼal xanav batel, vaʼun te kʼot chotluk ta yolon jpets retama teʼ xchiʼuk te la skʼan ti akʼo chamuke. Xi laj yale: «¡Taʼlo xa! Milun xa ta ora, Kajval Jeova,+ yuʼun maʼuk xa mas toj lekun ti jaʼ mu sta li jmoltotake».

16 Ta jpʼaj li jkuxlejale,+ mu xa jkʼan xikuxi.

Jaʼ lek iktaun jtuk, yuʼun ti jayib kʼakʼal kuxulune xkoʼolaj kʼuchaʼal jun noʼox velta chkichʼ ikʼ.+

2 Jech oxal, xi lik skʼopon li Jeovae: «Kʼelavil, Jeova, ¿mi mu jaʼuk li kʼusi la jvul-o koʼonton kʼalal te toʼox oyun ta jlumale chaʼa? Jaʼ yuʼun, lijatav batel ta Tarsis,+ yuʼun jnaʼoj ti oy xkʼuxul avoʼontone, ti oy slekil avoʼontone, ti mu aniluk chlik skʼakʼal avoʼontone, ti oy tukʼil kʼanelal avuʼune+ xchiʼuk ti chajel li kʼusi anopoj sventa muʼyuk xa chavakʼ kastigoe. 3 Jaʼ yuʼun, Jeova, avokoluk, akʼo chamkun, jaʼ lek ti chamkune, jaʼ altik ti kuxulun toe».+