-
Salmo 15:1-5Xchʼul Kʼop Dios sventa Achʼ Balumil
-
-
15 Kajval Jeova, ¿buchʼu van xuʼ xnaki li ta akarpanae?
¿Buchʼu van xuʼ xnaki li ta chʼul vits avuʼune?+
2 Jaʼ li buchʼu chʼabal spaltail* kuxule,*+
ti jaʼ tspas li kʼusi tukʼe+
xchiʼuk ti melel kʼusi chal ta yoʼontone,+
4 Xchiʼuk ti muʼyuk lek chil li buchʼutik pʼajbilik yuʼun Diose,+
pe chichʼ ta mukʼ li buchʼu xiʼtaojik* Jeovae,
ti chkʼot ta pasel yuʼun li kʼusi yaloje akʼo mi chopol kʼusi xuʼ snuptan ta skoj,+
5 ti muʼyuk tskʼanbe sjol stakʼin kʼalal chakʼ ta chʼome,+
ti muʼyuk chchon sba ta takʼin* sventa tskontrain li buchʼu muʼyuk smule.+
Buchʼuuk noʼox ti jech tspas kʼuchaʼal taje mi jaʼuk onoʼox bu chichʼ vuyilanel.*+
-
-
Salmo 84:1-4Xchʼul Kʼop Dios sventa Achʼ Balumil
-
-
84 Kajval Jeova ti bankilalot yuʼun soltaroetike,*
¡toj echʼ xa noʼox jkʼanoj li axibalna avuʼun ti jun yutsile!+
2 Solel oy tajek ta koʼonton
li yamakʼtak* Jeovae,
jech, kʼunibemun xa ta skoj ti oy tajek ta koʼontone.+
Li koʼontone xchiʼuk li jbekʼtale x-avet ta muyubajel ta stojolal li kuxul Diose.
3 Te tsta sna li mut eke,
te tspas stas li golondrinae*
xchiʼuk te chchabi li yalabe,
te nopol tspas li ta skajleb amoton ti jun yutsile, Kajval Jeova ti bankilalot yuʼun soltaroetike,
Ajvalil kuʼun xchiʼuk Dios kuʼun.
4 ¡Xmuyubajik noʼox li buchʼutik te nakalik ta anae!+
Jech-o yakal tskʼupil kʼoptaikot.+ (Sela).
-