21 Li Jeovae jaʼ jbabe batel yuʼunik; li ta kʼakʼaltike chbeiltasatik batel ta jvol tok,*+ yan li ta akʼobaltike chbeiltasatik batel ta jvol kʼokʼ* sventa x-akʼbatik xojobal, ti jech taje jaʼ sventa xanavik ta kʼakʼaltik xchiʼuk ta akʼobaltik.+

20 Jech oxal, li jvol toke* te laj yakʼ sba ta oʼlol ti bu tsobol li j-ejiptoetike xchiʼuk ti bu oy li Israele.+ Li ta jote jaʼ jun ikʼal tok, yan li ta jote sakjaman yuʼun li akʼobaltike.+ Ti vaʼ yelane sjunul akʼobal muʼyuk nopajik batel li j-ejiptoetik ta stojolal li j-israeletike.

24 Li ta sob ikʼlumane,* li Jeovae te kʼelvan tal li ta jvol kʼokʼ* xchiʼuk ta jvol toke,*+ la skʼel tal li j-ejiptoetike, vaʼun lik ochikuk ta xiʼel yuʼun li j-ejiptoetike.