18 mu me xaxiʼ yuʼun.+ Vuleso ta ajol kʼusi la spasbe faraon xchiʼuk sjunul Ejipto li Jeova Dios avuʼune.+ 19 Vuleso ta ajol ti yan to sba kʼutik yelan chapanvan* ti laj avil ta asate, li senyailtake, li skʼelobiltak juʼelale,+ li stsatsal skʼobe xchiʼuk ti ta sjuʼel la slokʼesot li Jeova Dios avuʼune.+ Li Jeova Dios avuʼune jaʼ jech tspasbe xtok skotol li jteklumetik ti chaxiʼ yuʼune.+