43 ti kʼu yelan laj yakʼ ta ilel senyailtak li ta Ejiptoe+

xchiʼuk li skʼelobiltak juʼelal la spas ta yosilal Soane,

44 xchiʼuk ti kʼu yelan la skʼatajes ta chʼichʼ ti butik chbein li Niloe,+

jaʼ yuʼun li j-ejiptoetike muʼyuk laj yuchʼbeik

yaʼlel li yukʼumike.

45 Xvolet noʼox tal yuʼun jtiʼvanej vovetik* sventa xtiʼatik+

xchiʼuk ranaetik sventa xlajesatik.+

46 Laj yakʼ ti lilinbatuk yuʼun kʼulubetik li kʼusitik chlokʼ ta yosilike,

li kʼusitik stsʼunojike laj ta epal kʼulub.+

47 La slajesbe ta bot li steʼeltak s-uvaike+

xchiʼuk laj ta bot li sikomoro teʼetik yuʼunike.

48 La smilbe ta bot li j-ikatsnom chonbolometik yuʼunike,+

li stsʼunbal chonbolomike laj ta saksevul* ti xjaplajete.*

49 Laj yakʼ tal ta stojolalik li skʼakʼal yoʼonton ti xtiltun tajeke,

laj yakʼ tal skapemal sjol, stiʼemal sjol, vokolil

xchiʼuk jtsop anjeletik ti chakʼik vokolile.

Muʼyuk la spoj lokʼel li ta lajelale;

jech xtok, la smil ta tsatsal chamel.

51 Ta slajeb xa une, la smil skotol li sba nichʼoniletik ta Ejiptoe,+

li buchʼutik baʼyel vokʼik li ta karpanaetik ta Kame.