13 Xi albat li Abrane: «Skʼan xanaʼ ta melel ti anitilulale jyanlumetik noʼox te chkʼotik ta jun lum ti maʼuk yuʼunike, te ch-ochik ta mosoil xchiʼuk te ch-ilbajinatik chanib sien jabil.+ 14 Pe chkakʼbe kastigo li lum ti jaʼ chmosoinvanike,+ ta tsʼakal une ep xa kʼusitik chichʼik lokʼel+ li anitilulale.

22 Li jujun antsetike akʼo skʼanbeik kʼusitik pasbil ta plata xchiʼuk ta oro li slakʼnaik xchiʼuk li antsetik ti te nakal ta snaike. Akʼo skʼanbeik kʼuʼil pokʼiletik xtok sventa xakʼbeik slap li skerem stsebike; jech chichʼik batel li kʼusitik jaʼ yuʼun li j-ejiptoetike».+

35 Li j-israeletike jech la spasik kʼuchaʼal albatik yuʼun li Moisese, jaʼ yuʼun la skʼanbeik j-ejiptoetik kʼusitik pasbil ta plata xchiʼuk ta oro, jech xtok, la skʼanbeik kʼuʼil pokʼiletik.+ 36 Li Jeovae la skolta jteklum sventa lekuk x-ilatik yuʼun li j-ejiptoetike, jech oxal li j-ejiptoetike laj yakʼik skotol li kʼusitik kʼanbatike, jech pojbatik batel li kʼusitik oy yuʼunike.+