• 1 Samuel 24:11
    Xchʼul Kʼop Dios sventa Achʼ Balumil

    • 11 Kʼelavil kajval, kʼelavil, liʼ jtsakoj li stiʼil akʼuʼ ti muʼyuk skʼobe. Muʼyuk la jmilot kʼalal la jtuchʼe. Chavakʼ venta atuk ti muʼyuk kʼusi chopol ta jkʼan ta jpasbote, muʼyuk ta jtoy jba ta atojolal, jech xtok, akʼo venta ti muʼyuk jmul ta atojolale.+ Pe li voʼote jaʼ noʼox lik asaʼun sventa xamilun.+

  • 2 Samuel 22:21-25
    Xchʼul Kʼop Dios sventa Achʼ Balumil

    • 21 Ta skoj ti tukʼ kʼusi ta jpase,+ chakʼ jmoton li Jeovae;

      jaʼ tstojbun sutel ta skoj ti chʼabal jmule.+

      22 Yuʼun jaʼ te jtsʼaklioj-o batel li sbe Jeovae

      xchiʼuk muʼyuk la jip komel li Jdiose, yuʼun toj chopol mi jech la jpase.

      23 Skotol ora ta jchʼunbe skotol li smantaltake;+

      muʼyuk ta jpʼajbe li kʼusitik yaloje.+

      24 Jpʼel ta koʼonton muʼyuk kʼusi chopol ta jpas+ ta stojolal

      xchiʼuk ta jkʼej jba lokʼel ta spasel li kʼusi muʼyuk leke.+

      25 Akʼo stojbun Jeova ta skoj ti tukʼ kakʼoj jbae,+

      akʼo stojun ta skoj ti chʼabal jmul ta sba sate.+

  • Salmo 24:3, 4
    Xchʼul Kʼop Dios sventa Achʼ Balumil

    •  3 ¿Buchʼu xuʼ xmuy batel li ta svits Jeovae+

      xchiʼuk buchʼu xuʼ te svaʼan sba ti bu chʼul yuʼune?

       4 Jaʼ li buchʼu muʼyuk kʼusi chopol spasoje xchiʼuk ti muʼyuk xchopolil li yoʼontone,+

      ti mu jecheʼuk noʼox tstʼab ta alel li jbie

      xchiʼuk ti mu jecheʼuk chloʼlavan kʼalal chakʼ yee.+