• Eksodo 14:21
    Xchʼul Kʼop Dios sventa Achʼ Balumil

    • 21 Li Moises une la stoy skʼob ta sba li nabe;+ vaʼun li Jeovae laj yakʼ taluk tsatsal ikʼ ta slokʼeb kʼakʼal sjunul akʼobal sventa xchʼak li nabe, jech takij li lum ta yut nabe+ xchiʼuk la xchʼak sba ta chaʼjot li nabe.+

  • Numeros 11:31
    Xchʼul Kʼop Dios sventa Achʼ Balumil

    • 31 Lokʼ talel ikʼ ta stojolal Jeova, xkuchoj talel kodornisetik* ti te lokʼ tal ta nabe, te lamal vul ta sjoylejal ti bu spasoj skarpanaike.+ Ti kʼu sjamlej la smak ta sjoylejal ti bu spasoj skarpanaik kʼalal yal li kodornisetike, jaʼ jun kʼakʼal ta xanel li ta jote xchiʼuk jun kʼakʼal ta xanel li ta jot xtoke xchiʼuk jaʼ chib xukʼubil* li spimil yale.

  • Jeremias 51:16
    Xchʼul Kʼop Dios sventa Achʼ Balumil

    • 16 Kʼalal chakʼ ta aʼiel li yechʼomal yee,

      solel xvoʼoʼet li voʼ te ta vinajele

      xchiʼuk jaʼ chakʼ toyuk muyel li tok* ti te oy ta spajeb balumile.

      Xjaplajet* noʼox yuʼun saksevul* kʼalal* chakʼ voʼe

      xchiʼuk tslokʼes tal ta snail li ikʼe.+