20 Li Moises xchiʼuk Aarone ta ora noʼox la spasik jech kʼuchaʼal albatik yuʼun Jeovae. La stoy li snamteʼe, ta sat faraon xchiʼuk yajtuneltak la smaj li voʼ ta ukʼum Niloe, jech kʼataj ta chʼichʼ skotol li ukʼume.+

6 Li Aarone la stoy skʼob ta sba skotol li voʼ ta Ejiptoe, vaʼun lik muyuk tal li ranaetike, solel lamal kʼot ta sjunul yosilal Ejipto.

17 Taje jech la spasik. Li Aarone la stoy li snamteʼ stsakoje, vaʼun la smaj li spukukal* balumile. Jech kʼot ta stojolal krixchanoetik xchiʼuk ta stojolal chonbolometik li usetike. Skotol li spukukal balumile kʼataj ta us ta sjunul li yosilal Ejiptoe.+

6 Ta yokʼomal noʼox jech la spas li Jeovae, lik chamuk skotol li jaytos chonbolometik ta Ejiptoe,+ yan li xchonbolomtak Israele muʼyuk xcham jkotuk.

10 Jech oxal, la sjopik sibakil orno xchiʼuk bat svaʼan sbaik ta stojolal li faraone, li Moises une la svij muyel, vaʼun kʼataj ta chinetik ti oy spojovil ti lik chʼiuk ta sbekʼtal krixchanoetik xchiʼuk ta sbekʼtal li chonbolometike.

23 Jaʼ yuʼun, li Moisese la stoy muyel snamteʼ ta vinajel, li Jeova une la stak talel chauk xchiʼuk bot, jech xtok, yal talel kʼokʼ* li ta balumile. Jech te xvajet-o bot yuʼun Jeova li ta yosilal Ejiptoe.

12 Xi albat yuʼun Jeova li Moisese: «Toyo akʼob ta stojolal yosilal Ejipto sventa xtal li kʼulubetike, sventa xtal ta yosilal Ejipto xchiʼuk sventa slajesik skotol li tsʼiʼleletik ta osiltike, skotol li kʼusitik laj to yikta komel li bote».

21 Xi albat yuʼun Jeova li Moisese: «Toyo muyel akʼob ta vinajel sventa x-ikʼub osil li ta yosilal Ejiptoe, ikʼ tajek chkom ti xvinaj xa ta pikel yilele».