45 Li Davide xi la stakʼbe li jfilistea vinike: «Voʼote chtal atsakun ta kʼop ta espada, ta lansa xchiʼuk ta javalina,*+ pe li voʼone ta jtsakot ta kʼop ta sbi Jeova ti jaʼ bankilal yuʼun soltaroetike,*+ jaʼ Sdios li soltaroetik yuʼun Israel ti liʼ cholajtike, jaʼ li buchʼu laj xa alabane.*+ 46 Tana noʼox cha-och ta jkʼob yuʼun li Jeovae,+ ta jmilot xchiʼuk ta jtuchʼ lokʼel ajol. Li sbekʼtal filisteaetik ti liʼ spasoj skarpanaik tanae chkakʼbe stiʼ mutetik ta vinajel xchiʼuk chkakʼbe stiʼ jtiʼvanej chonbolometik ta osiltik. Jech tsnaʼo skotol krixchanoetik ta balumil ti oy jun Dios ta Israele.+

15 Lik paskʼop yuʼunik xtok li jfilisteaetik xchiʼuk li Israele.+ Jaʼ yuʼun, li David xchiʼuk yajtuneltake yal stsakik ta kʼop li jfilisteaetike, pe lik lubuk tajek li Davide.

17 Pe li Davide ta anil noʼox tal koltaatuk+ yuʼun Abisai+ ti jaʼ yol Seruyae, la stsal xchiʼuk la smil li jfilistea vinike. Xi albat ta jamal yuʼun sviniktak David li vaʼ kʼakʼale: «¡Muʼyuk xa+ chlokʼ achiʼinunkutik ta paskʼop! ¡Mu xatupʼ li kantil ta Israele!».+