VIVLIOTEKA TA INTERNET yuʼun Watchtower

VIVLIOTEKA TA INTERNET yuʼun Watchtower

VIVLIOTEKA TA INTERNET

yuʼun Watchtower

1 Reyes 8:66

Xchʼul Kʼop Dios sventa Achʼ Balumil
- 66 Ta yokʼomale,* li ajvalile la stak sutel li jteklume, vaʼun li jteklume laj yakʼbeik komel bendision li ajvalile. Xmuyubaj sut batel ta snaik xchiʼuk xkuxet yoʼontonik ta skoj li kʼusitik lek la spas+ Jeova ta stojolal David ti jaʼ yajtunele xchiʼuk ta stojolal li steklumal Israele.

Salmo 13:6

Xchʼul Kʼop Dios sventa Achʼ Balumil
- 6 Ta jkʼejinta li Jeovae, yuʼun toj echʼ xa noʼox lek yoʼonton ta jtojolal.+

Salmo 31:19

Xchʼul Kʼop Dios sventa Achʼ Balumil
- 19 ¡Toj echʼ xa noʼox li slekil avoʼontone!+
  
  Anakʼoj* sventa xavakʼbe li buchʼutik xiʼtaojote*+
  xchiʼuk avakʼoj ta ilel ta stojolal skotol li krixchanoetike, ta stojolal li buchʼutik tsaʼ snakʼobbailik ta atojolale.+

Isaias 63:7

Xchʼul Kʼop Dios sventa Achʼ Balumil
- 7 Ta xkal li kʼusitik spasoj Jeova ta skoj li tukʼil kʼanelal yuʼune
  xchiʼuk li kʼusitik spasoj Jeova ti sta-o kʼupil kʼoptaele,
  jaʼ ta skoj skotol li kʼusitik spasoj Jeova ta jtojolaltike,+
  ti ep kʼusitik lekik spasoj ta stojolal li jteklum Israel
  ta skoj li xkʼuxul yoʼontone xchiʼuk li tukʼil kʼanelal ti mu albajuk oy yuʼune.

Jeremias 31:12

Xchʼul Kʼop Dios sventa Achʼ Balumil
- 12 X-avetik noʼox ta muyubajel chtalik li ta Sion ti ta toyol oye+
  xchiʼuk xkuxet noʼox yoʼontonik ta skoj li slekil yoʼonton* Jeovae,
  ta skoj li sat tsʼunobile, li achʼ vinoe,+ li aseitee
  xchiʼuk ta skoj li yalab xchijik xchiʼuk xvakaxike.+
  
  Ta xkʼotik kʼuchaʼal jun nichimaltik ti lek atʼesbile*+
  xchiʼuk muʼyuk xa chkʼunibik yan velta».+