VIVLIOTEKA TA INTERNET yuʼun Watchtower

VIVLIOTEKA TA INTERNET yuʼun Watchtower

VIVLIOTEKA TA INTERNET

yuʼun Watchtower

Jenesis 1:9

Xchʼul Kʼop Dios sventa Achʼ Balumil
- 9 Vaʼun, xi laj yal li Diose: «Li voʼ oy ta yolon vinajele akʼo stsob sba ta jun noʼox yavil sventa xlik vinajuk li bu takine».+ Jaʼ jech kʼot ta pasel taje.

Job 38:8-11

Xchʼul Kʼop Dios sventa Achʼ Balumil
- 8 ¿Buchʼu laj yakʼbe smak li nab+
  kʼalal tʼom lokʼel tal ta yavile,*
  9 kʼalal laj kakʼbe skʼuʼin li toke
  xchiʼuk kʼalal la jpix ta pimil ikʼal* osile,
  10 kʼalal laj kal bu noʼox kʼalal xuʼ xpaje
  xchiʼuk kʼalal laj kakʼbe smaktak xchiʼuk stiʼtak ti bu oye,+
  11 xchiʼuk kʼalal xi laj kale: ‹Xuʼ xatalik liʼ to kʼalale, pe mu stakʼ xajelavik batel mas;
  liʼ noʼox kʼalal chapaj ti kʼu yelan xavaʼi xakoti noʼoxe›?+

Proverbios 8:29

Xchʼul Kʼop Dios sventa Achʼ Balumil
- 29 kʼalal laj yakʼ mantal ta sventa li nab
  ti mu xjelav batel mas li yaʼlel ti bu kʼalal albil mantale,+
  kʼalal laj yakʼbe snaklebtak li balumile,

Jeremias 5:22

Xchʼul Kʼop Dios sventa Achʼ Balumil
- 22 Xi chal li Jeovae: ‹¿Mi muʼyuk chaxiʼtaikun?*
  ¿Mi muʼyuk chatʼelik* ta xiʼel ta keloval?
  
  Voʼon laj kakʼ li jiʼ* sventa te noʼox xpaj li nabe,
  taje jaʼ jun mantal ti te oy-o sbatel osil ti skʼan tsakel ta ventae.
  
  Akʼo mi xyukʼlajet tajek li nabe, mu onoʼox xjelav batel;
  akʼo mi xvoʼoʼet tajek, te noʼox chkom ti bu akʼbil stsʼakile.+