• Salmo 70:1-5
    Xchʼul Kʼop Dios sventa Achʼ Balumil

    • 70 Dios kuʼun, koltaun;

      Kajval Jeova, laʼ koltaun ta anil.+

       2 Li buchʼutik tskʼan tsmilikune

      akʼo yichʼik kʼexlaltasel xchiʼuk bikʼtajesbel skʼoplalik.

      Li buchʼutik kʼupil sba chilik kʼalal chkil jvokole

      akʼo ta kʼexlaluk xjatavik batel.

       3 Li buchʼutik xi tslabanikune: «¡Ata atot un!»* ti xiike

      ta kʼexlaluk x-ikʼatik sutel.

       4 Pe li buchʼutik yakal tsaʼikote

      akʼo xkuxetuk tajek yoʼontonik xchiʼuk xmuyubajikuk tajek ta atojolal.+

      Li buchʼu skʼanoj li kʼusitik apasoj sventa xakoltavane skotoluk ora xi xalike:

      «¡Akʼo yichʼ mukʼibtasbel skʼoplal li Diose!».

       5 Pe li voʼone mu xpak kuʼun jkʼoplal xchiʼuk abol jba;+

      Dios kuʼun, oyuk kʼusi xapas ta anil ta jtojolal.+

      Voʼot li jkoltavanejot kuʼune xchiʼuk li jpojvanejot kuʼune;+

      Kajval Jeova, mu me xajalij.+