19 Xi albatik yuʼun li Josee: «Mu xaxiʼik. ¿Mi yuʼun Diosun chavilik ti voʼon ta jchapanoxuke? 20 Manchuk mi chakʼanik ox chavakʼbeikun jvokol,+ pe oy ta yoʼonton Dios ti lekuk xbate xchiʼuk ti kuxul xkom epal krixchanoetik jech kʼuchaʼal yakal tspas avie.+ 21 Jaʼ yuʼun, mu xaxiʼik. Chkakʼboxuk-o aveʼelik xchiʼuk chkakʼbe-o sveʼelik li kʼoxetik avuʼunike».+ Jech patbat-o yoʼontonik xchiʼuk tsatsubik-o ti kʼu yelan kʼoponatike.

21 Vaʼun, nopaj tal li Pedroe xchiʼuk xi laj yalbe li Jesuse: «Kajval, ¿jayib to velta skʼan jpasbe perton kʼalal tsaʼ smul ta jtojolal li kermanoe? ¿Mi vukub to velta?». 22 Vaʼun, xi takʼbat yuʼun li Jesuse: «Muʼyuk chkalbot ti vukub to veltae, yuʼun 77 to ta velta* skʼan jech xapas.+

32 Jaʼ mas lek ti oyuk slekil avoʼontonik ta jujuntale, kʼuxuk tajek ta avoʼonton+ xavaʼi abaik xchiʼuk pasbo abaik perton ta sjunul avoʼontonik ta jujuntal jech kʼuchaʼal ta sjunul yoʼonton la spasboxuk perton Dios ta stojolal li Kristo eke.+