11 Jaʼ yuʼun, xi laj yalbee: «Ta skoj ti jaʼ la akʼan apʼijil sventa xatojob xchikintael kʼalal oy kʼusi skʼan chapanele,+ ti maʼuk la akʼan ti jal xakuxie, ti xapas ta jkʼuleje xchiʼuk ti chamuk li avajkontratake, 12 chkakʼbot li kʼusi la akʼanbune.+ Ta jkoltaot sventa xapʼijub xchiʼuk sventa xavaʼibe lek smelolal.+ Ti kʼu yelan apʼijil chabate, muʼyuk buchʼu yan jech echʼem mi jaʼuk oy to buchʼu jech chtal xtok.+ 13 Jech xtok, chkakʼbot li kʼusi muʼyuk la akʼanbune:+ jkʼulej chabat kuʼun xchiʼuk lek ojtikinbil chabat.+ Muʼyuk chtal yan ajvalil jech kʼuchaʼal voʼot ti kʼu sjalil kuxulote.+