15 Ta skoj ti kʼot ta xchikin Jesus taje, lokʼ batel. Ep krixchanoetik te tijilik batel+ xchiʼuk la xpoxtaan skotol, 16 pe tsots albatik ti mu me xvinajesbat batel skʼoplale.+ 17 Taje jaʼ sventa xkʼot ta pasel li kʼusi albil ta stojolal j-alkʼop Isaias ti xi laj yale:

18 «¡Kʼelavil! ¡Li kajtunel+ jtʼujoje, li buchʼu jkʼanoje, li buchʼu ximuyubaj yuʼune!+ Chkakʼ j-espiritu ta stojolal+ xchiʼuk jaʼ chalbe batel yantik jteklum kʼusi jaʼ li tukʼilale.