• Josue 23:14
    Xchʼul Kʼop Dios sventa Achʼ Balumil

    • 14 »Avi une, poʼot xa xicham.* Anaʼojik lek ta sjunul avoʼontonik xchiʼuk ta sjunul akuxlejalik ti mu jpʼeluk chʼay ta be skotol li kʼusitik lekik laj yalboxuk li Jeova Dios avuʼunike. Kʼot ta pasel skotol ta atojolalik. Mi jpʼeluk chʼay ta be.+

  • Isaias 55:10, 11
    Xchʼul Kʼop Dios sventa Achʼ Balumil

    • 10 Yuʼun jech kʼuchaʼal li voʼ xchiʼuk taiv ti chyal tal ta vinajel

      ti muʼyuk tsut muyel jaʼ to mi tʼuxij yuʼun li balumile, ti chakʼ vokʼuk xchiʼuk chʼiuk li tsʼiʼleletike,

      ti chakʼbe sbekʼ stsʼunob li jtsʼunolajele xchiʼuk ti chakʼbe span li buchʼu chveʼe,

      11 jaʼ jech chkʼot ta pasel* ek li kʼusi chlokʼ ta kee.+

      Muʼyuk tsut tal ta jtojolal mi muʼyuk kʼotem ta pasele.+

      Chkʼot ta pasel ta melel li kʼusi tskʼan koʼontone+

      xchiʼuk persa chkʼot ta pasel skotol li kʼusi chkale.

  • Sakarias 1:6
    Xchʼul Kʼop Dios sventa Achʼ Balumil

    • 6 Akʼo mi jech, li jkʼop xchiʼuk li jmantaltak laj kalbe li kajtuneltak ti jaʼ li j-alkʼopetike, ¿mi mu lajuk yilik kʼot ta pasel li amoltotakike?›.+ Jaʼ yuʼun, sutik talel ta jtojolal xchiʼuk xi laj yalike: ‹Li Jeova ti jaʼ bankilal yuʼun soltaroetike jech la spasbutik ti kʼu yelan li jtalelaltike xchiʼuk ti kʼusitik la jpastike, jech kʼuchaʼal snopoj xa onoʼox tspase›».+