16 Kʼelo abaik sventa mu xlaj ta loʼlael li avoʼontonike. Mu xakʼejpʼujik* batel sventa mu xavichʼik ta mukʼ yan diosetik xchiʼuk ti xakejan abaik ta stojolalike.+ 17 Mi lakʼejpʼujik* batele, ta me stsan ta atojolalik li skʼakʼal yoʼonton Jeovae, ta smak vinajel sventa mu xakʼ voʼ,+ muʼyuk chakʼ sat li kʼusitik chatsʼunik ta osile, li voʼoxuk une anil chachamik li ta lekil balumil chakʼboxuk li Jeovae.+