20 Kʼalal mi laj xa ox kikʼik ochel li ta balumil ti laj kakʼ ke ta stojolal li smoltotakike,+ jun balumil ti bu oy lek leche xchiʼuk pome,+ mi veʼik xa ox ti lek noj kom xchʼutik xchiʼuk mi oy xa ox ep kʼusitik yuʼunike,*+ jaʼ chlik stsʼakliik li yan diosetike, jaʼ chtunik ta stojolal xchiʼuk muʼyuk xa chichʼikun ta mukʼ xchiʼuk muʼyuk xa tstsakik ta mukʼ li jtratoe.+

13 Li Jeovae jech-o la stak batel yaj-alkʼoptak xchiʼuk li buchʼutik oy kʼusi ch-akʼbat yilike+ sventa spʼijubtas li Israel xchiʼuk Judae, xi laj yalbee: «¡Sutanik tal li ta chopol be atamojike!+ Chʼunik li kʼusi chkale, chʼunik skotol li jmantaltak ti jech kalojbe amoltotakike xchiʼuk li mantaletik ti laj kalboxuk ta stojolal li kajtuneltak ti jaʼ li j-alkʼopetike». 14 Pe muʼyuk la xchʼunik xchiʼuk pimik ta mantal jech kʼuchaʼal* li smoltotakik ti muʼyuk laj yakʼ xchʼunel yoʼontonik ta stojolal li Jeova Dios yuʼunike.+

26 »Akʼo mi jech, muʼyuk la xchʼunik mantal xchiʼuk lik stoy sbaik ta atojolal+ xchiʼuk la svalopatinik komel li Amantale.* La smilik li avaj-alkʼoptak ti pʼijubtasvanik sventa sutik talel ta atojolale xchiʼuk la spasik li kʼusi chopol ti jech laj yakʼik ta ilel ti muʼyuk ch-ichʼvanik ta mukʼe.+