• 2 Samuel 23:5
    Xchʼul Kʼop Dios sventa Achʼ Balumil

    •  5 ¿Mi mu jaʼuk jech chkʼot li jnitilulal ti tspasik mantal ta stojolal Diose?

      Yuʼun la spas jun trato sventa sbatel osil xchiʼuk voʼon,+

      lek chapal xchiʼuk persa chkʼot ta pasel.

      Yuʼun jpʼel skʼoplal ta jta-o jkolebal xchiʼuk jmuyubajel,

      ¿mi mu jaʼuk ta skoj ti lek chtuk yuʼun xniche?+

  • Salmo 89:28, 29
    Xchʼul Kʼop Dios sventa Achʼ Balumil

    • 28 Te oy-o kuʼun ta stojolal sbatel osil li tukʼil kʼanelal kuʼune+

      xchiʼuk muʼyuk chtuchʼ-o ta be li jtrato xchiʼuke.+

      29 Chkakʼ ti te xkom-o ta sbatel osil li snitilulale

      xchiʼuk chjalij tajek kuʼun kʼuchaʼal vinajel li xchotleb sventa ajvalile.+

  • Jeremias 33:25, 26
    Xchʼul Kʼop Dios sventa Achʼ Balumil

    • 25 »Xi chal li Jeovae: ‹Jech kʼuchaʼal muʼyuk chchʼay-o skʼoplal li trato jpasoj ta sventa li kʼakʼaltik xchiʼuk li akʼobaltike,+ li mantaletik ta sventa li vinajel xchiʼuk balumile,+ 26 jaʼ noʼox jech ek, muʼyuk onoʼox ta jpʼaj li snitilulal Jakobe xchiʼuk li snitilulal kajtunel Davide, jaʼ yuʼun te ta jlokʼes tal ta snitilulal David li ajvaliletik ti tsventainbeik li snitilulal Abraan, Isaak xchiʼuk Jakobe. Yuʼun ta jtsob sutel tal li buchʼutik chukbilik batel yuʼune+ xchiʼuk chkʼuxubajik ta koʼonton›».+

  • Echos 13:34
    Xchʼul Kʼop Dios sventa Achʼ Balumil

    • 34 Ti jech la xchaʼkuxese, jaʼ sventa mu xichʼ yan velta sbekʼtal jech kʼuchaʼal jun krixchano ti snaʼ xlaje, xi laj yale: ‹Jaʼ chkakʼboxuk ta ilel li melel tukʼil kʼanelal ti laj onoʼox kalbe li Davide›.+