VIVLIOTEKA TA INTERNET yuʼun Watchtower

2 Reyes 17:13, 14

Xchʼul Kʼop Dios sventa Achʼ Balumil
- 13 Li Jeovae jech-o la stak batel yaj-alkʼoptak xchiʼuk li buchʼutik oy kʼusi ch-akʼbat yilike+ sventa spʼijubtas li Israel xchiʼuk Judae, xi laj yalbee: «¡Sutanik tal li ta chopol be atamojike!+ Chʼunik li kʼusi chkale, chʼunik skotol li jmantaltak ti jech kalojbe amoltotakike xchiʼuk li mantaletik ti laj kalboxuk ta stojolal li kajtuneltak ti jaʼ li j-alkʼopetike». 14 Pe muʼyuk la xchʼunik xchiʼuk pimik ta mantal jech kʼuchaʼal* li smoltotakik ti muʼyuk laj yakʼ xchʼunel yoʼontonik ta stojolal li Jeova Dios yuʼunike.+

Oseas 7:10

Xchʼul Kʼop Dios sventa Achʼ Balumil
- 10 Chtikʼbat smul yuʼun stoyobbail li Israele;+
  akʼo mi jech kʼotem ta stojolal taje, muʼyuk sutem talel ta stojolal li Jeova ti jaʼ Sdiose+
  xchiʼuk muʼyuk bu saʼoj-o.

Amos 4:6

Xchʼul Kʼop Dios sventa Achʼ Balumil
- 6 ‹Yan li voʼone lalajik kuʼun ta viʼnal* ta sjunul li ateklumalike
  xchiʼuk mi jpʼejuk ta na laj kakʼboxuk aveʼelik;+
  pe muʼyuk bu xasutik tal ta jtojolal›,+ xi li Jeovae.

Amos 5:6

Xchʼul Kʼop Dios sventa Achʼ Balumil
- 6 Saʼik li Jeovae sventa kuxul xakomik+
  sventa mu xtil* kʼuchaʼal kʼokʼ ta stojolal li snitilulal Josee,
  ti chchikʼ li Betele xchiʼuk ti mu xa buchʼu xtupʼ yuʼune.