15 »›Tukʼ me xachapanvanik. Mu me xkʼuxubaj ta avoʼonton li povre ta skoj noʼox ti povree o ti jaʼ xa lek chavil ti buchʼu jkʼuleje.+ Tukʼuk me xachapan li achiʼil ta krixchanoale.

16 »Xi laj kalbe mantal li jchapanvanejetik avuʼunik li vaʼ kʼakʼale: ‹Kʼalal chtal yakʼ sba ta chapanel junuk avermanoike, tukʼ me xachapanik+ li vinik xchiʼuk li yermanoe o mi jaʼ li jyanlum+ ti te nakal xchiʼuke. 17 Mu me tʼujbiluk yajval avuʼunik kʼalal oy buchʼu chachapanike.+ Skʼan parejo xavaʼibeik skʼop li buchʼu mu tsotsuk skʼoplale xchiʼuk li buchʼu tsots skʼoplale.+ Mu xa xiʼik yuʼun junuk vinik,+ yuʼun jaʼ chchapanvan li Diose;+ li kʼusi toj vokol ta chapanel chavaʼiike tal albeikun, voʼon chkaʼibe skʼop›.+