5 Li ajvalil ta Asiriae bat yuʼunin sjunul li osile, vaʼun kʼot ta Samaria xchiʼuk oxib jabil te sjoyibtaoj.

9 Kʼalal xchanibal xa ox jabil yochel ta ajvalil li Esekiase, jaʼ xkaltik, kʼalal svukubal xa ox jabil yochel ta ajvalil li Osea+ xnichʼon Ela ti jaʼ ajvalil ta Israele, li ajvalil Salmanasar ta Asiriae muy stsak ta kʼop li Samariae, lik sjoyibta.+ 10 Kʼalal lokʼ oxib jabile, och ta skʼobik;+ jaʼo kʼot ta pasel kʼalal svakibal xa ox jabil yochel ta ajvalil li Esekiase xchiʼuk kʼalal sbalunebal xa ox jabil yochel ta ajvalil li Osea ta Israele. Och ta kʼabal li Samariae.