4 Jechoxuk ek, Tiro, Sidon xchiʼuk skotol yosilal Filistea,

¿kʼusi jmul avuʼunik?

Mi jech chapasike,

ta anil noʼox chkakʼ kʼotuk ta atojolalik li kʼusi chakʼan chapasbeikune.+

 6 Xi chal li Jeovae:

‹«Ta skoj ti yoxibal, xchanibal xa velta la stoy sba li Gasae,+ jpʼel skʼoplal chkʼot ta pasel li kʼusi jnopoje,

yuʼun laj yakʼik ta skʼob Edom li jtsop jchukeletike.+

 7 Ta jtakbe talel skʼakʼal li smuroal Gasae+

xchiʼuk chkʼakʼ li tsatsal tayal kʼelob osiletik tee.

 8 Ta jlajesbe skʼoplal li jnaklejetik ta Asdode+

xchiʼuk li buchʼu te ch-ajvalilaj* ta Askelone;+

ta jyeʼ batel jkʼob sventa jkontrain li Ekrone,+

jech xtok, chchʼay stsʼunbal li jfilisteaetik ti jayvoʼ to te komemike»,+ xi li Kajvaltik Jeova ti jaʼ Mukʼul Jpasmantale›.

 4 Yuʼun li Gasae chkʼot ta jun jteklum ti iktabile;

xchiʼuk li Askelone stsʼijlan* chkom.+

Li jnaklejetik ta Asdode ta xichʼik nutsel lokʼel ta kʼakʼaltik*

xchiʼuk li jnaklejetik ta Ekrone ta xichʼik bulel lokʼel.+

 5 Li Askelone ta xil taje, vaʼun ta xiʼ;

solel ta xat yoʼonton li Gasae,

li Ekron eke ta xat yoʼonton, yuʼun ta kʼexlal xa kom li spatobil yoʼontone.

Chlaj skʼoplal li ajvalil ta Gasae

xchiʼuk chʼabal xa jnaklej chkom li ta Askelone.+