• Isaias 6:11, 12
    Xchʼul Kʼop Dios sventa Achʼ Balumil

    • 11 Jaʼ yuʼun, xi laj kale: «Kajval Jeova, ¿bakʼin to van ti jech yelane?». Vaʼun, xi laj yale:

      «Jaʼ to mi lilijem xa kom li jteklumetike, mi chʼabal xa ox li jnaklejetike,

      mi muʼyuk xa ox yajval li naetike,

      mi lajem xa ox li lume xchiʼuk mi muʼyuk xa ox kʼusi x-ayane;+

      12 jaʼ to mi la snamajes xa ox batel viniketik li Jeovae+

      xchiʼuk mi xokol xa ox kom li balumile.

  • Jeremias 26:18
    Xchʼul Kʼop Dios sventa Achʼ Balumil

    • 18 «Li Mikeas+ ti likem ta Moresete jaʼo laj yal albil kʼopetik li ta skʼakʼalil Esekias+ ti jaʼ ajvalil ta Judae xchiʼuk xi laj yalbe sjunul li jteklum ta Judae: ‹Xi chal li Jeova ti jaʼ bankilal yuʼun soltaroetike:*

      «Chichʼ lokel kʼuchaʼal osil li Sione

      xchiʼuk tokol chkom slilijemal li Jerusalene,+

      li vits ti bu oy li temploe* chnoj ta teʼetik»›.+

  • Lamentasiones 2:5
    Xchʼul Kʼop Dios sventa Achʼ Balumil

    •  5 Li Jeovae kʼotem kʼuchaʼal jun jkontrainvanej;+

      la stupʼbe skʼoplal li Israele.

      La sjinesbe skotol li tayal kʼelob osiletik yuʼune;

      laj xa slilinbe skotol ti butik lek joyol ta muro yuʼune.

      Laj yepajesbe yatel yoʼonton xchiʼuk yokʼel li stseb Judae.

  • Esekiel 36:4
    Xchʼul Kʼop Dios sventa Achʼ Balumil

    • 4 Ta skoj taje, vitsetik yuʼun Israel, ¡chikintaik kʼusi chal li Ajvalil Jeova ti jaʼ Mukʼul Jpasmantale! Li Ajvalil Jeova ti jaʼ Mukʼul Jpasmantale xi chalbe li vitsetike xchiʼuk li bikʼtal vitsetike, li beoʼetike xchiʼuk li stenlejaltike, li sjinemal jteklum ti laj yichʼ lajesele+ xchiʼuk li jteklumetik ti chʼabal yajval kome, ti laj yichʼik pojbel batel li kʼusitik oy yuʼunike xchiʼuk ti laj yichʼik labanel yuʼun li buchʼutik kuxul komik ta mukʼtik lumetik ti te nopol oyike;+