• Eksodo 15:11
    Xchʼul Kʼop Dios sventa Achʼ Balumil

    • 11 Kajval Jeova, ¿mi oy yan diosetik kʼuchaʼal voʼote?+

      ¿Buchʼu yan ti jech chakʼ

      ta ilel ti chʼul xa noʼox tajek skʼoplal kʼuchaʼal voʼote?+

      Jaʼ noʼox ti buchʼu skʼan xiʼtael* xchiʼuk ti skʼan muyubtael ta kʼejojetike, jaʼ ti buchʼu labalik sba kʼusitik tspase.+

  • 2 Reyes 19:22-24
    Xchʼul Kʼop Dios sventa Achʼ Balumil

    • 22 ¿Buchʼu ti la achopol kʼoptae xchiʼuk ti la alabane?+

      ¿Buchʼu ti la atoy ave ta stojolale+

      xchiʼuk ti jpʼel xa xaval ti kʼu yelan la akʼele?

      ¡Jaʼ jech la apasbe li Buchʼu chʼul yuʼun Israele!+

      23 Ta stojolal j-almantaletik+ avuʼun la achopol kʼopta li Jeovae,+ xi laj avale:

      ‹Ta skoj ti jun yepal li jkaretatak sventa paskʼope,

      chimuy batel li ta vitsetik ti bu mas toyolike,

      ti bu mas to nom li ta Libanoe.

      Ta jtsʼet li tayal sedro teʼetik ti te oye xchiʼuk li lekil enebro teʼetike.

      Te chi-och batel ti bu mas to vitstikaltik yuʼune, li ta pimilal teʼetik yuʼune.

      24 Ta jokʼ posoetik, vaʼun ta xkuchʼbe yaʼlel yan lum;

      ta jtakijesbe ta xpachʼomal kakan skotol li yoktak yaʼal* Ejiptoe›.

  • Isaias 10:20
    Xchʼul Kʼop Dios sventa Achʼ Balumil

    • 20 Li buchʼutik te chkomik ta Israel li vaʼ kʼakʼale

      xchiʼuk li buchʼutik kuxul chkomik ta snitilulal Jakobe

      muʼyuk xa tspat yoʼontonik ta stojolal li jteklum ti tsakatik ta kʼope;+

      tspat xa yoʼontonik ta stojolal Jeova,

      jaʼ li Buchʼu chʼul yuʼun Israele, ta sjunul yoʼonton* jech ta spasik.

  • Esekiel 39:7
    Xchʼul Kʼop Dios sventa Achʼ Balumil

    • 7 Chkakʼ ta ojtikinel ta stojolal jteklumal Israel li jchʼul bie xchiʼuk muʼyuk xa chkakʼ ti xichʼ sokesbel skʼoplale; vaʼun li mukʼtik lumetike jech tsnaʼik ti voʼon Jeovaune,+ ti voʼon li Buchʼu chʼul yuʼun Israele›.+