• Neemias 13:22
    Xchʼul Kʼop Dios sventa Achʼ Balumil

    • 22 Jech xtok, laj kalbe jlevietik ti nopajtikuk noʼox sakubtas sbaike, ti akʼo xtalike xchiʼuk ti akʼo xchabiik ochebaletik sventa chʼuluk-o xkom li skʼakʼalil savadoe.+ «Dios kuʼun, mu me xachʼayun ta ajol sventa jta jlekilal, akʼbun ta ilel xkʼuxul avoʼonton ta skoj ti toj echʼem li tukʼil kʼanelal avuʼune».+

  • Salmo 20:1-3
    Xchʼul Kʼop Dios sventa Achʼ Balumil

    • 20 Akʼo stakʼbot Jeova kʼalal jaʼo yorail oy avokole.

      Jaʼ akʼo xchabiot li sbi Sdios Jakobe.+

       2 Akʼo te to skoltaot tal ti bu chʼule+

      xchiʼuk te to akʼo yikot tal li ta Sione.+

       3 Akʼo teuk ta sjol skotol li kʼusi avakʼojbe ta smotone,

      akʼo xchʼam ta slekil yoʼonton* li chikʼbil matanal chavakʼbee. (Sela).

  • Ebreos 6:10
    Xchʼul Kʼop Dios sventa Achʼ Balumil

    • 10 Yuʼun tukʼ li Diose, jaʼ yuʼun mu xchʼay ta sjol li avabtelike xchiʼuk li kʼanelal laj avakʼik ta ilel ta sventa li sbie+ xchiʼuk ti chatunik ta stojolal li buchʼutik chʼulike xchiʼuk ti jech-o chatunik batel ta stojolalike.