• 2 Kronikas 5:13
    Xchʼul Kʼop Dios sventa Achʼ Balumil

    • 13 Kʼalal jmoj tsjupan yokʼesik xchiʼuk kʼalal jmoj yechʼomal yeik xchiʼuk li jkʼejimoletik kʼalal tskʼupil kʼoptaik Jeova xchiʼuk kʼalal tstojbeik ta vokole, kʼalal jaʼo mas tsots chbakʼ li okʼesetike, li simbaloetike* xchiʼuk li yan stijobiltak son kʼalal xi tskʼupil kʼoptaik li Jeovae: «Toj lek yoʼonton xchiʼuk te-o sbatel osil li tukʼil kʼanelal yuʼune»,+ vaʼun li nae, li sna Jeovae lik nojuk ta tok.+

  • Esdras 3:11
    Xchʼul Kʼop Dios sventa Achʼ Balumil

    • 11 Vaʼun, lik sjelilan sbaik ta kʼejimol+ sventa tskʼupil kʼoptaik li Jeovae xchiʼuk sventa tstojbeik ta vokol, «yuʼun lek yoʼonton li Diose, te oy-o sbatel osil+ ta stojolal Israel li tukʼil kʼanelal yuʼune». Laje, sjunul jteklum tsots avanik ta skʼupil kʼoptael Jeova ta skoj ti yakʼojbeik xa snakleb li sna Jeovae.

  • Mikeas 7:18
    Xchʼul Kʼop Dios sventa Achʼ Balumil

    • 18 ¿Mi oy yan Dios jech kʼuchaʼal li voʼote

      ti chchʼay ta yoʼonton li mulile+ xchiʼuk ti muʼyuk tstsak ta venta li stoyobbail skomenal* xrextoe?*+

      Mu teuk-o tsanal skʼakʼal yoʼonton sbatel osil,

      yuʼun jaʼ tskʼupin li tukʼil kʼanelale.+