15 »Pe mi muʼyuk chachikintabe li kʼusi chal Jeova Dios avuʼune, mi muʼyuk chakʼel lek ti xavakʼ ta akuxlejal skotol li tojobtaseletik xchiʼuk li smantaltak yakal chkalbot avie, chtal ta atojolal skotol li chopol kʼoptaeletik liʼe xchiʼuk chtal snupot ta be:+

26 Jaʼ bat tunikuk xchiʼuk jaʼ bat snijan sbaik ta stojolal li diosetik ti mu xojtikinike, jaʼ li diosetik ti albatik ti mu stakʼ xichʼik ta mukʼe.+ 27 Vaʼun, tsan skʼakʼal yoʼonton Jeova ta stojolal li balumile, jaʼ laj yakʼ kʼotuk ta stojolal skotol li chopol kʼoptaeletik ti liʼ tsʼibabil ta livroe.+

15 Pe jech kʼuchaʼal laj yakʼ kʼotuk ta pasel ta atojolalik Jeova Dios avuʼunik skotol li kʼusitik lekik laj yalboxuke,+ jaʼ jech chakʼ kʼotuk ta pasel Jeova ta atojolalik xtok skotol li kʼusitik chopol ti yaloj xa onoʼoxe xchiʼuk tslajes akʼoplalik li ta lekil balumil ti yakʼojboxuk li Jeova Dios avuʼunike.+ 16 Mi chasokesbeik skʼoplal li strato Jeova Dios avuʼunik ti laj yakʼboxuk sventa xatsakik ta mukʼe, mi chabatik xchiʼuk mi chlik tunanik ta stojolal yan diosetik xchiʼuk mi chlik anijan abaik ta stojolale, tstsan skʼakʼal yoʼonton ta atojolalik li Jeovae+ xchiʼuk ta anil noʼox chlaj akʼoplalik li ta balumil yakʼojboxuke».+

27 Xi laj yal li Jeovae: «Ta jnuts lokʼel+ li Juda jech kʼuchaʼal la jnuts lokʼel li Israele;+ ta xkikta li jteklum Jerusalen ti jaʼ jtʼujoje xchiʼuk ta xkikta komel li na ti xi kalojbe skʼoplale: ‹Te chkom-o li jbie›».+