7 Mi laj kalbe skʼoplal ti chichʼ bulel lokʼel, chichʼ jinesel xchiʼuk chichʼ lajesel junuk mukʼta jteklum o junuk ajvalilale,*+ 8 pe mi laj yiktaik spasel li kʼusi chopol ti jaʼ ox ta stoj-o smulik li jteklum taje, ta jel* ti jnopoj ox chkakʼbe svokolike.+ 9 Pe mi laj kalbe skʼoplal ti ta jvaʼan xchiʼuk ta jnakan junuk mukʼta jteklum o junuk ajvalilale, 10 mi lik spas li kʼusi chopol chkile xchiʼuk mi muʼyuk chchʼun li kʼusi chkale, ta jel li kʼusi lek ox jnopoj ta jpas ta stojolalike›.*

5 «Xi chal li Jeovae, li Dios yuʼun Israele: ‹Jech kʼuchaʼal li lekil igoe jaʼ jech lek chkil li jnaklejetik ta Juda ti chukbilik batele, ti la jlokʼesik batel sventa jtakik batel li ta yosilal jkaldeaetike. 6 Chkakʼ batel jsat ta stojolalik sventa lekuk oyik xchiʼuk chkakʼ sutikuk tal li ta lum liʼe.+ Ta jvaʼanik, pe muʼyuk ta jinesik; ta jtsʼunik, pe muʼyuk ta jbulik lokʼel.+