25 »Mi ayan avalab anichʼnabik xchiʼuk mi ayan amamobtakik xchiʼuk mi jal xa tajek lachʼi lakʼopojik ta balumile, pe ti chopol kʼusi chlik apasik xchiʼuk ti kʼusiuk noʼox slokʼol chlik apasik+ xchiʼuk ti chlik apasik li kʼusi chopol ta sat li Jeova Dios avuʼunik ti jaʼ chopol-o chaʼi sba avuʼunike,+ 26 jpʼel skʼoplal xchiʼuk anil noʼox chlaj akʼoplalik li ta balumil ta jot Jordan ti chavuʼuninike, ta melel ta jvaʼan ta testigo avi li vinajel xchiʼuk balumil ti jech chkʼot ta atojolalike. Muʼyuk chajalijik te, jpʼel skʼoplal chavichʼik lajesel.+

12 Laj xa spas li kʼusi yaloje, yuʼun laj yakʼ taluk vokolil ta jtojolalkutik+ xchiʼuk ta stojolal li itsʼinal ajvaliletik kuʼunkutik ti laj toʼox sventainunkutike.* Li kʼusi kʼot ta stojolal Jerusalene muʼyuk bu jech kʼotem-o ta pasel li ta yolon vinajele.+