9 »Li voʼot ek une, kuni nichʼon Salomon, ojtikinbo li Sdios atote, ta sjunuluk avoʼonton+ xchiʼuk kuxetuk avoʼonton xatun ta stojolal, yuʼun li Jeovae jaʼ chchaj ta kʼelel li koʼontontike+ xchiʼuk xil xojtikin li kʼusi ta jnoptike.+ Mi chasaʼe, chakʼ sba ta saʼel;+ pe mi chaviktae, tspʼajot-o sbatel osil.+

19 Pe mi chaviktaikun, mi mu xakʼan xachʼunik li jmantaltak kalojboxuke, mi jaʼ xa chbat avichʼik ta mukʼ li yan diosetike xchiʼuk mi jaʼ xa chanijan abaik ta stojolale,+ 20 ta jchʼaybe stsʼunbal Israel liʼ ta kosil ti jaʼ laj kakʼbeike+ xchiʼuk muʼyuk xa chkakʼ talel jsat li ta na ti la jchʼultajes sventa li jbie, jech xtok, chichʼ labanel xchiʼuk chichʼ chopol loʼiltael yuʼun li jteklumetike.+