9 ta jtak tal skotol li jteklumetik ti te oyik ta nortee+ xchiʼuk ta jtak talel li kajtunel Nabukodonosor*+ ti jaʼ ajvalil ta Babiloniae, ta xkikʼ tal sventa skontrainik li jteklum Judae+ xchiʼuk li jnaklejetik tee xchiʼuk skotol li mukʼtik lumetik ti te oy ta spat xokone.+ Chkakʼ ti xichʼik lajesel ta j-echʼele, chkakʼ ti xibaluk sba xkomike, ti xichʼik labanele* xchiʼuk chkakʼ ti jinemuk xkomik ta sbatel osile›, xi li Jeovae.

14 Yuʼun xi chal li Jeova ti jaʼ bankilal yuʼun soltaroetike, ti jaʼ li Dios yuʼun Israele: «Skotol li vaʼ mukʼtik lumetike ta jkʼatanbe ta snukʼik jun kʼatlom teʼ ti pasbil ta tsatsal takʼin sventa xtunik ta stojolal li Nabukodonosor ti jaʼ ajvalil ta Babiloniae, vaʼun persa chtunik ta stojolal.+ Jech xtok, chkakʼbe sventain teʼtikal chonbolometik ta osiltik li ajvalile»›».+

10 Vaʼun, xi xavalbe yaʼiike: ‹Xi chal li Jeova ti jaʼ bankilal yuʼun soltaroetike,* li Dios yuʼun Israele: «Ta jtak tal ta ikʼel li kajtunel Nabukodonosor* ti jaʼ ajvalil ta Babiloniae,+ liʼ ta jnakanbe xchotleb sventa ajvalil ta sba li tonetik la jmuke xchiʼuk liʼ chvul xlichʼan li skarpanae.+

37 Ajvalil, —voʼot ajvalilot yuʼun li ajvaliletike, ti la xchotanot ta ajvalil li Dios ta vinajele,+ ti laj yakʼ ajuʼel, atsatsal xchiʼuk ti laj yakʼot ta ichʼel ta mukʼe, 38 ti yakʼoj ta akʼob li krixchanoetik ti buyuk noʼox nakalike, li chonbolometik ta osiltike xchiʼuk li mutetik ta vinajele, jaʼ yakʼoj aventain skotol—+ voʼot akʼoplal li sjol lokʼol ti pasbil ta oroe.+