14 Vaʼun, xi laj yalbun li Jeovae: «Li j-alkʼopetike yakal chalik ta jbi albil kʼopetik ti mu meleluke.+ Muʼyuk la jtakik batel, muʼyuk laj kalbeik mantal xchiʼuk mi jaʼuk la jkʼoponik.+ Kʼalal chalboxuk albil kʼopetike, jaʼ chalik li kʼusi mu meleluk akʼbil yilike, li kʼusi jecheʼ chilik ta tʼunole* xchiʼuk li loʼlavanej oy ta yoʼontonike.+

21 Akʼo mi muʼyuk la jtak batel li j-alkʼopetike, bat stukik ta anil.

Akʼo mi muʼyuk la jkʼoponik, lik yalik albil kʼopetik.+

15 Vaʼun, li j-alkʼop Jeremiase xi laj yalbe li j-alkʼop Ananiase:+ «Ananias, ¡avokoluk, chikintao! Muʼyuk stakojot tal li Jeovae, yuʼun jecheʼ noʼox li kʼusi laj avalbe li jteklum ti la spat-o yoʼontonike.+

8 Yuʼun xi chal li Jeova ti jaʼ bankilal yuʼun soltaroetike, li Dios yuʼun Israele: «Mu xavakʼ sloʼlaoxuk li j-alkʼopetik avuʼunike,+ li jtʼunoletik* ti te oy ta atojolalike xchiʼuk mu xachikintabeik li buchʼutik chalbeik smelolal vaychiletike. 9 Yuʼun ‹yakal chalboxuk jecheʼ albil kʼopetik ta jbi. Muʼyuk la jtakik tal›,+ xi li Jeovae»›».

6 «Maʼuk melel li kʼusi akʼbil yilike xchiʼuk jutbil* li kʼusi yalojike; xi chalilanike: ‹Xi chal li Jeovae› xiik, akʼo mi maʼuk takbilik tal yuʼun Jeova xchiʼuk smalaojik ti xkʼot ta pasel li kʼusi chalike.+