15 »Pe mi muʼyuk chachikintabe li kʼusi chal Jeova Dios avuʼune, mi muʼyuk chakʼel lek ti xavakʼ ta akuxlejal skotol li tojobtaseletik xchiʼuk li smantaltak yakal chkalbot avie, chtal ta atojolal skotol li chopol kʼoptaeletik liʼe xchiʼuk chtal snupot ta be:+

48 Li Jeovae jaʼ tstak talel ta atojolal li avajkontratake xchiʼuk chlik tunan ta stojolalik+ kʼalal jaʼo chaviʼnaje,+ kʼalal jaʼo takin avoʼontone, kʼalal jaʼo chʼabal lek akʼuʼ apokʼe xchiʼuk kʼalal jaʼo chʼabal kʼusi x-ayan avuʼun jutebuke. Jaʼ chakʼ ta anukʼ li kʼatlom takʼin jaʼ to ti kʼuxi slajesbot akʼoplale.

11 Li Nebusaradan ti jaʼ bankilal yuʼun jchabivanejetike la xchuk batel li buchʼutik te to komemik ta jteklume, li buchʼutik laj yakʼ sbaik ta skʼob li ajvalil ta Babiloniae xchiʼuk li yan jnaklejetike.+ 12 Pe li bankilal yuʼun jchabivanejetike te laj yikta jlom li buchʼutik mas povreike sventa stsʼunik uva xchiʼuk ti xichʼik sujel ta spasel yan abtelale.+