8 Kʼalal laj kil taje, la jnuts batel li Israel ti muʼyuk tukʼ laj yakʼ sbae, la jpasbe lek svunal sventa jsutes-o+ ta skoj ti la smukul satiune.+ Pe jaʼuk li Juda ti jaʼ mukile muʼyuk xiʼ jutebuk; yuʼun lokʼ batel ek, bat xchon sba.+

46 «‹Jaʼ avix li Samaria+ ti te oy ta norte* xchiʼuk stsebetake,*+ jech xtok, jaʼ amuk li Sodoma+ ti te oy ta sur* xchiʼuk stsebetake.+ 47 Maʼuk noʼox ti jech la achanbe stalelalike xchiʼuk ti la apas li kʼusitik toj chopol tspasike, yuʼun ta anil noʼox mas to toj chopol li kʼusitik lik apase›.+