9 Mu me xanijan aba ta stojolalik xchiʼuk mu me buchʼu stijbot avoʼonton ti chatun ta stojolalike,+ yuʼun li Jeova Diosun avuʼune jaʼ Diosun ti jtuk noʼox ta jkʼan ichʼel ta mukʼe.+ Chkakʼbe kastigo alab nichʼnabiletik ta skoj smul li totiletike. Li buchʼutik tspʼajune chkakʼbe kastigo kʼalal to ta yoxkʼolal xchiʼuk ta xchankʼolal kuxlejal.+ 10 Pe chkakʼbe ta ilel tukʼil kʼanelal* ta smilal noʼox ta kʼol kuxlejal li buchʼu skʼanojikune xchiʼuk ti chchʼunik jmantaltake.

5 Xi laj kale: «Kajval Jeova ti voʼot Diosot ta vinajele, ti mukʼul Diosot xchiʼuk ti toj labal abae, ti chkʼot ta pasel avuʼun li atratoe xchiʼuk ti chavakʼ ta ilel tukʼil kʼanelal ta stojolal li buchʼutik skʼanojikote xchiʼuk ti chchʼunik amantale,+