39 »Kʼalal mi laj skʼoplal li ajvalilal* avuʼune, chlik yan ajvalilal+ ti mas bikʼit skʼoplal kʼuchaʼal voʼote; mi laj une, chlik yan ajvalilal, jaʼ li yoxibal ti ta kovre pasbile, jaʼ chlik sventain sjunul li balumile.+

6 »Kʼalal te jkʼeloj-oe, lokʼ talel li yoxkotal jtiʼvanej chonbolome, xkoʼolaj kʼuchaʼal jkot leopardo,+ pe oy chanib xikʼ ta spat jech kʼuchaʼal xikʼ jkot mut xchiʼuk oy chanpʼej sjol.+ Vaʼun, laj yichʼ akʼbel yabtel sventa xlik spas mantal.

5 Kʼalal te jkʼeloje, laj kil te lokʼ talel ta smaleb kʼakʼal jkot tot tentsun+ ti xvilet tal ta anil ta sba spʼejel balumil ti muʼyuk xa tsta ta tekʼel li balumile. Li tot tentsune xkiltik lek te bichil jun xulub ti te kakal ta oʼlol yuʼunik li chaʼpʼej sbekʼ sate.+

21 Li tot tentsun ti pim stsotsile jaʼ skʼoplal li ajvalil ta Gresiae;+ li smukʼta xulub ti te kakal ta oʼlol yuʼunik li chaʼpʼej sbekʼ sate jaʼ skʼoplal li baʼyel ajvalile.+