• Levitiko 26:5, 6
    Xchʼul Kʼop Dios sventa Achʼ Balumil

    • 5 Li yorail chamaj atrigoike tsta sba xchiʼuk kʼalal chatsobbeik sat a-uvaike; jech xtok kʼalal chatsobbeik sat a-uvaike, tsta sba xchiʼuk ti kʼusi ora chatsʼunolajike. Chalajes apanik jaʼ ti kʼu yepal skʼan avoʼontonike xchiʼuk jun noʼox avoʼonton chanakiik li ta avosilike.+ 6 Jun noʼox avoʼontonik kuʼun li ta lume,+ jun avoʼonton chavayik, yuʼun muʼyuk buchʼu tsibtasoxuk.+ Ta jtupʼbe skʼoplal ta alumalik li simaron jtiʼvanej chonbolometike xchiʼuk muʼyuk chtal avichʼik milel ta espada li ta alumalike.

  • Mikeas 4:3, 4
    Xchʼul Kʼop Dios sventa Achʼ Balumil

    •  3 Jaʼ chchapan li epal jteklumetike+

      xchiʼuk jaʼ tsbeiltas li mukʼtik lumetik ti lek xuʼ yuʼunik ti nom to oyike.

      Tspasik ta slokobil balumil li s-espadaike

      xchiʼuk tspasik ta jos* li slansaike.+

      Muʼyuk xa tstsak sbaik ta kʼop li mukʼtik lumetike*

      xchiʼuk mi jaʼuk xa chchanik paskʼop.+

       4 Ta jujuntal te chchoti* ta yolon steʼel s-uvaik xchiʼuk ta yolon steʼel s-igoik,+

      muʼyuk buchʼu tsibtasatik,+

      yuʼun jaʼ lokʼ ta ye stuk Jeova ti jaʼ bankilal yuʼun soltaroetike.*