11 Li vaʼ kʼakʼale, li Jeovae chchaʼyeʼ skʼob yan velta sventa tskʼan sutel li skomenal* steklumal ti te oyik ta Asiria,+ ta Ejipto,+ ta Patros,+ ta Kus,+ ta Elam,+ ta Sinar,* ta Amat xchiʼuk li ta lumetik ti joyol ta nabe.+ 12 Ta stoy jun senyail* ta sventa li mukʼta lumetike xchiʼuk tstsob sutel tal ti bu tanpuk batemik li j-israeletike+ xchiʼuk tstsob sutel tal ti bu tanpuk batemik li judaetik ta xchanjotal stiʼiltak balumile.+

 5 Mu xaxiʼ, yuʼun liʼ jchiʼinojote.+

 6 Xi ta xkalbe li nortee: ‹¡Akʼo sutikuk tal!›,+

xchiʼuk xi chkalbe li sure: ‹Mu teuk xavikʼ-o komel.

7 Xi chal li Jeovae: «Pe chkʼot skʼakʼalil ti muʼyuk xa xi chalike: ‹¡Jamal chkal ta skoj kuxul Jeova ti jaʼ li buchʼu la slokʼes tal ta yosilal Ejipto li jteklum Israele!›,+ 8 yuʼun xi xa chalike: ‹¡Jamal chkal ta skoj kuxul Jeova ti jaʼ li buchʼu la slokʼes tal xchiʼuk laj yikʼ tal li snitilulal Israel li ta yosilal nortee xchiʼuk ta skotol li jteklumetik ti bu toʼox spukoj batele!›, xchiʼuk te chnaki ta yosilal stukik».+

12 Ta jchabi li jchijtake, jech ta jpas kʼuchaʼal jun jchabichij kʼalal tsta li xchijtak ti tanpuk toʼox batemike xchiʼuk ti tsmakʼline.+ Chbat jpojik lokʼel tal ti butik tanpuk batik li ta skʼakʼalil kʼalal jaʼo oy toke xchiʼuk kʼalal jaʼo ikʼ tajek osile.+