VIVLIOTEKA TA INTERNET yuʼun Watchtower

Jeremias 9:25, 26

Xchʼul Kʼop Dios sventa Achʼ Balumil
- 25 Xi chal li Jeovae: «¡Kʼelavilik! Chkʼot skʼakʼalil ti chkakʼbe kastigo skotol li buchʼutik ta sbekʼtal noʼox yichʼojik sirkunsisione,*+ 26 li Ejiptoe,+ li Judae,+ li Edome,+ li j-ammonetike,+ li Moab+ xchiʼuk skotol li buchʼutik komkom setoj sjolik ta xokontak xchikinik ti te nakalik ta takixokol balumile;+ yuʼun skotol li mukʼtik lumetike muʼyuk yichʼojik sirkunsision xchiʼuk sjunul li jteklum Israele muʼyuk yichʼoj sirkunsision ta yoʼontonik».+

Jeremias 25:32

Xchʼul Kʼop Dios sventa Achʼ Balumil
- 32 Xi chal li Jeova ti jaʼ bankilal yuʼun soltaroetike:
  
  ‹¡Kʼelavilik!, oy jun vokolil ti xkechet tspuk sba batel ta jujun mukʼta lume+
  xchiʼuk chlik tal jun tsatsal ikʼ ta namal balumil.+

Joel 3:12

Xchʼul Kʼop Dios sventa Achʼ Balumil
- 12 «Akʼo yichʼik tijel likel li jyanlumetike sventa xmuyik batel ta stenlejaltik yuʼun Jeosafat;
  yuʼun jaʼ te chichoti sventa jchapan li jyanlumetik ta buyuk noʼoxe.+

Joel 3:14

Xchʼul Kʼop Dios sventa Achʼ Balumil
- 14 Epal krixchanoetik, epal krixchanoetik te oyik li ta stenlejaltike,
  jaʼ te ti bu chichʼik chapanel li krixchanoetike, yuʼun nopol xa li skʼakʼalil Jeovae.+

Mikeas 5:15

Xchʼul Kʼop Dios sventa Achʼ Balumil
- 15 Ta skapemal jol xchiʼuk ta skʼakʼal koʼonton chkakʼbe stoj
  li mukʼtik lumetike, yuʼun mu skʼan xchʼunik
  mantal».