12 Li ta slajunebal kʼakʼal ta svoʼobal ue, jaʼ xkaltik, kʼalal 19 jabil xa ox yochel ta ajvalil li Nabukodonosor* ti jaʼ ajvalil ta Babiloniae, jaʼo och batel ta Jerusalen li Nebusaradan ti jaʼ bankilal yuʼun jchabivanejetike, jaʼ li yajtunel ajvalil ta Babiloniae.+ 13 La xchikʼbe li sna Jeovae,+ li sna* ajvalile xchiʼuk skotol li naetik ta Jerusalene; jech xtok, la xchikʼ li naetik ti tsotsik skʼoplale.