5 Vaʼun, te kʼotik ta jot tiʼ nab ta yosilal jerasaetik.+ 2 Kʼalal yal ta varko li Jesuse, te tal nupatuk ta be yuʼun jun vinik ti te lokʼ tal ta mukinale, ochem ibal sba* pukuj ta yoʼonton. 3 Li vinik taje te nakal ta mukinal, mi jaʼuk buchʼu xchuk yuʼun li vaʼ kʼakʼale, akʼo mi xchukik ta kadena.

26 Te kʼotik ta stiʼil yosilal jerasaetik+ ti te oy ta yeloval Galileae. 27 Kʼalal yal ta varkoe, te nupat ta be yuʼun jun vinik te ta jteklum ti ochem pukuj ta yoʼontone. Voʼne xa ti muʼyuk slap-o skʼuʼ spokʼe xchiʼuk ti muʼyuk xa bu xkʼot-o ta snae, yuʼun te xa oy-o ta mukinal.+