7 Jaʼ yuʼun, te xakomik li ta na taje,+ lajesik xchiʼuk uchʼanik li kʼusitik cha-akʼbatike,+ yuʼun sta-o xichʼ stojol li j-abtele.+ Jech xtok, mu me xalokʼ xa-ochik batel ta jujupʼej na.

7 ¿Mi oy van junuk soltaro ti tsbain stuk li kʼusi chtun yuʼune? ¿Mi oy van buchʼu muʼyuk tslobe sat li uva tstsʼune?+ ¿Mi oy van buchʼu muʼyuk chuchʼbe yaʼlel xchuʼ chij kʼalal jaʼ chchabi li chijetike?

14 Ti kʼu yelan taje, jaʼ jech laj yal mantal xtok li Kajvaltik ta stojolal li buchʼutik chchol lekil aʼyejetike, ti jaʼ akʼo veʼikuk-o li lekil aʼyejetike.+